montanha magica

fòrça tellurica

frontièira, frontèra

mans d’òmes

estatua viva

de tota color

davalar dins la cava

sabors del Sud

fraires de sang

practic

 

contact

     

l

lo freginat de pòrc singlar de Joseta, tant bon que passèt a la T.V. !

Lo mercat per 4 personas
1,5 kg de singlar (dels talhons mai grasses)
2 botelhas de castèlmaure roge
3 lescas espessas de ventresca
3 cabòças d’alh, 6 pastenagas, 4 pòrres
4 cebas, de frigola, 5 clavèls de giròfla
òli d’oliva
sal e pebre

Las aisinas
une coquèla o un topin adobièr

L’estèc del cosinièr
servissètz lo freginat amb de mongetas preparadas, còcòs o lingòts

Metre los talhons de « pòrc » a marinar per 24 oras al pus mens dins de vin roge, reviscolat d’òli d’oliva, de pastenagas, de pòrres, de cebas, d’alh, de frigola, de pebre e qualque clavèl de giròfla.
Un còp que la carn a marinat, esdracar e eissugar los talhons de carn puèi los freginar ( !) al fuòc viu dins una granda coquèla. Flambusclar a la fina de Lengadòc. Apondre 2 cebas chapladas, los lardons e 2 culheirats de farina. Banhar amb un gòt de marinada e completar lo garniment d’espècias amb de pastenagas, de pòrres e doas cabòças d’alh. Banhar per cobrir amb çò que sòbra de marinada, verificar l’adobum e daissar còire almens 4 oras a fuòc plan doç o, melhor, al forn dins un topin adobièr.
Quand lo vòstre freginat es cuèch e que los talhons de singlar se desfan, reglar l’adobum amb un veirat de bon vinagre de vin roge e qualque vesena d’alh chaplada.

Sortir de la cava una Pompador de 7-8 ans.

(tornar a las recèptas)